मोबाइल ॲप विकसन- महाराष्ट्र माहिती तंत्रज्ञान महामंडळ मर्यादित

थेट लाभ हस्तांतरण

महाडीबीटी हे महाराष्ट्र राज्य शासनासाठी महाआयटीने विकसित केलेले एक वैशिष्ट्यपूर्ण मोबाईल ॲप्लिकेशन आहे, जे नागरिकांना शासकीय योजनांचे वित्तीय स्वरूपातील लाभ सहज मिळवण्यास मदत करते. थेट लाभ हस्तांतरण योजना आणि सेवांशी संबंधित प्रक्रिया सुरळीतपणे पार पाडण्याच्या दृष्टीने हा उपक्रम उपयुक्त ठरतो आहे. नागरिकांना विविध योजनांतर्गत प्रदान केलेले लाभ प्राप्त करण्यासाठीची प्रक्रिया सुलभ करणे, हे या ॲपचे उद्दिष्ट आहे. राज्यातील पात्र लाभार्थी नागरिक हे ॲप सहज हाताळू शकतात आणि पारदर्शक पद्धतीने संबंधित योजनांचे लाभ प्राप्त करू शकतात.

या ॲपची मुख्य वैशिष्ट्ये पुढीलप्रमाणे –

नागरिक कुठूनही, केव्हाही नोंदणी करू शकतात आणि ऑनलाइन अर्ज करू शकतात.
ॲप्लिकेशन आयडी’ची नोंद करून नागरिक त्यांच्या स्वतःच्या अर्जाची स्थिती पाहू शकतात /मागोवा घेऊ शकतात.
सुलभ पडताळणीसाठी आवश्यक कागदपत्रे अपलोड करणे शक्य.
अर्जदारांना अर्ज प्रक्रियेच्या विविध टप्प्यांवर एसएमएस आणि ईमेल सूचना प्राप्त.
नोंदणीकृत अर्जदारांना आधार लिंक केलेल्या बँक खात्यात थेट लाभ हस्तांतरण.

ॲप डाउनलोड करा

आरटीएस महाराष्ट्र

महाराष्ट्र राज्यातील पात्र नागरिकांना राज्य शासनाने देऊ केलेल्या सार्वजनिक सेवा पारदर्शक पद्धतीने आणि वेळेवर प्राप्त व्हाव्यात, या उद्देशाने आरटीएस महाराष्ट्र हे मोबाईल ॲप्लिकेशन तयार करण्यात आले आहे. या ॲप्लिकेशनच्या माध्यमातून राज्य शासनाच्या विविध विभागांद्वारे प्रदान केल्या जाणाऱ्या सेवांसाठी ऑनलाईन अर्ज करणे आणि त्या अर्जाच्या सद्यस्थितीचा मागोवा घेणे वापरकर्त्याला सहज शक्य आहे.

या ॲपची मुख्य वैशिष्ट्ये पुढीलप्रमाणे -

महाराष्ट्र राज्य शासनाच्या विभागांची यादी उपलब्ध
प्रत्येक विभागातर्फे प्रदान केल्या जाणाऱ्या सेवांची यादी उपलब्ध
प्रत्येक सेवेसाठी आवश्यक कागदपत्रे आणि संपर्क तपशील पाहू शकता
सेवांच्या ऑनलाइन उपलब्धतेचे फायदे पाहू शकता
बारकोड वापरून प्राप्त प्रमाणपत्र सत्यापित करता येते
अर्ज तपशील वापरून वैयक्तिक अर्जाची सद्यस्थिती तपासणे शक्य

ॲप डाउनलोड करा

ऊसतोडणी कामगार नोंदणी

ऊस तोडणी करणाऱ्या कुशल कामगारांची नोंदणी करण्यासाठी महाराष्ट्रातील एजंट या "ऊसतोडणी कामगार नोंदणी" ॲपचा वापर करतात. या क्षेत्रातील कुशल कामगारांचे महत्त्वाचे तपशील एकत्रित करणे आणि शासनाच्या विविध कल्याणकारी योजनांतर्गत त्यांना लाभ प्रदान करणे, या कामी हे ॲप उपयुक्त आहे.

कामगारांची माहिती संकलित करण्यासाठी आणि प्राप्त माहितीचे योग्य व्यवस्थापन करण्यासाठी हे ॲप एक महत्वपूर्ण साधन आहे. राज्यभरातील ऊस तोडणी करणाऱ्या कुशल कामगारांचे जीवनमान सुधारण्यासाठी, त्यांना अधिक सक्षम करण्यासाठी हे "ऊसतोडणी कामगार नोंदणी" ॲप महाराष्ट्र शासनाला सहायक ठरते आहे.

ॲप डाउनलोड करा

ई-मॅट

भारतीय संविधानाच्या कलम ३२३ अ च्या तरतुदींनुसार भारताच्या संसदेने प्रशासकीय न्यायाधिकरण कायदा, १९८५ लागू केला. केंद्र सरकारने महाराष्ट्र राज्यासाठी राज्य प्रशासकीय न्यायाधिकरणाची स्थापना करण्यासाठी २२ एप्रिल १९८८ रोजी शासकीय राजपत्र जारी केले. त्यानुसार ८ जुलै १९९१ रोजी महाराष्ट्र प्रशासकीय न्यायाधिकरणाची स्थापना करण्यात आली.

महाराष्ट्र प्रशासकीय न्यायाधिकरणाचे प्रधान खंडपीठ मुंबई येथे असून नागपूर आणि औरंगाबाद येथे त्याची खंडपीठे आहेत. महाराष्ट्र राज्य शासनाच्या सर्व कर्मचाऱ्यांना जलद आणि प्रभावी पद्धतीने दिलासा प्रदान करणे, हा या न्यायाधिकरणाच्या स्थापनेचा मुख्य उद्देश आहे.

ॲप डाउनलोड करा